Maktab bitiruvchilariga oltin va kumush medallarni berish tartibi joriy qilindi

2018-2020 yillarda pedagoglik kasbining yuksak ijtimoiy mavqei va obro‘sini targ‘ib qiluvchi “O‘qituvchi va murabbiylar xiyobonlari” tashkil etiladi. 

Bu prezidentning “Yoshlarni ma'naviy-axloqiy va jismoniy barkamol etib tarbiyalash, ularga ta'lim-tarbiya berish tizimini sifat jihatidan yangi bosqichga ko‘tarish chora-tadbirlari to‘g‘risida”gi qarorida nazarda tutilgan.

Qarorning yana bir o‘ziga xos jihati, 2018/2019 o‘quv yilidan boshlab umumta'lim maktablari, shu jumladan ixtisoslashtirilgan maktablar, san'at va madaniyat maktab-internatlari, olimpiya zaxiralari maktab-internatlari hamda akademik litseylar bitiruvchilariga a'lo bilimi, namunali xulqi va jamoat ishlaridagi faolligi uchun oltin va kumush medallarni berish tartibi joriy qilindi.