Davlat departamenti Eron bilan hamkorlik uchun sanksiyalar joriy etilishini eslatdi

AQShning Eron bo‘yicha maxsus vakili Brayn Xukning Davlat departamentida bo‘lib o‘tgan brifingda ma'lum qilishicha, Qo‘shma Shtatlar rasmiylari Eron tomoni bilan savdo aloqalarini davom ettiradigan mamlakatlarga nisbatan sanksiyalar joriy qilishga tayyor. Maxsus vakilning so‘zlari RIA «Novosti» tomonidan keltirilgan.

Uning so‘zlariga ko‘ra, AQShda Eronning savdo faolligi shu yilning noyabr oyiga kelib «nolga tushishi»ni kutishmoqda.

«Umid qilamizki, bizning hamkorlarimiz sanksiyalar rejimiga rioya qiladilar, hamda, mening fikrimcha, AQSh aks holda ikkinchi darajali sanksiyalarni qo‘llashga tayyorligini eslatish shart emas», - deya aytib o‘tdi Xuk AQSh hukumati Eron va Xitoy o‘rtasidagi savdo hamkorligini qanday cheklamoqchi ekani haqidagi savolga javob qaytarib.

Eslatib o‘tamiz, avvalroq Turkiya prezidenti Rajab Toyyib Erdo‘g‘an AQShni ogohlantirgandi.