Tojikiston prezidenti Samarqandga bordi

Foto: Prezident matbuot xizmati

Davlat tashrifi bilan O‘zbekistonda bo‘lib turgan Tojikiston Respublikasi prezidenti Imomali Rahmon 18 avgust kuni Samarqand shahriga keldi. Bu haqda davlat rahbari matbuot xizmati xabar berdi.

Samarqand xalqaro aeroportida oliy martabali mehmonni hukumat vakillari kutib oldi.

Qayd etilishicha, tashrif davomida Islom Karimov va Amir Temur maqbaralarini ziyorat qilish, Ulug‘bek rasadxonasi, Afrosiyob muzeyi, Registon majmuasi va boshqa tarixiy yodgorliklarni tomosha qilish rejalashtirilgan.