O‘zbekiston bosh vaziri Anvar qori Tursunov xonadoniga ham bordi

O‘zbekiston bosh vaziri Abdulla Aripov Anvar qori Tursunov xonadoniga ham bordi. Bu haqda Kun.uz axborot manbasi xabar bermoqda.

Hukumat rahbari Anvar qori Tursunovning oila-a'zolariga ta'ziya izhor etdi. Qur'on tilovat etilib, marhumning haqiga duo qilingan.

Toshkent shahri bosh imom xatibi Anvar qori Tursunov 13 iyun kuni tongda vafot etgandi.

Eslatib o‘tamiz, avvalroq Abdulla Aripov Qurbon hayiti bayrami munosabati bilan marhum shoira, O‘zbekiston xalq shoiri Halima Xudoyberdiyevaning xonadoniga tashrif buyurgani xabar qilingandi.

Abdulla Aripov marhum shoiraning turmush o‘rtog‘i Mavlon Umrzoqovni yo‘qlab, yana bir bor ta'ziya izhor qilgan.