Osiyo o‘yinlari. Jasur Latipov yarim finalda

Indoneziyada Osiyo o‘yinlari davom etmoqda.

O‘zbekiston boks jamoasining -52 kg vazn toifasidagi vakili Jasurbek Latipov chorak final bosqichida indoneziyalik Suguro Aldomsga qarshi jang qildi va g‘alaba qozondi.

Hakamlar O‘zbekiston vakilining 4:1 (30:27, 30:27, 28:29, 29:28, 30:27) hisobidagi g‘alabasini e'lon qilishdi va Latipov yarim finalga yo‘l oldi.

U endi 31 avgust kuni qirg‘izistonlik Azat Usenaliyev bilan final yo‘llanmasi uchun jang qiladi. Usenaliyev chorak finalda shimoliy koreyalik O Tay Bumga hech qanday imkoniyat qoldirmadi - 5:0.

Bugun shuningdek, -60 kg vazn toifasidagi Shunqor Abdurasulov va -69 kg vazn toifasidagi Bobousmon Baturov chorak final janglarini o‘tkazishadi. Abdurasulovning raqibi qirg‘izistonlik Qodirbek Argen ulu bo‘lsa, Baturov janubiy koreyalik Lim Hyunchulga qarshi ringga ko‘tariladi.