Jizzaxda “Neksiya” o‘zidan oldindagi yuk avtomashinasiga borib urildi

Jizzax shahrida yo‘l-transport hodisasi yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

27 avgust kuni Zomin tumanida yashovchi J.J. “Neksiya” rusumli avtomashinani So‘loqli mahallasida haydab ketayotib, shu yo‘nalishda oldinda burilish uchun to‘xtab turgan K.X. boshqaruvidagi “Shacman” rusumli yuk avtomashinasining orqa qismiga borib urilgan. 

Natijada “Neksiya” avtomashinasi yo‘lovchisi A.A. jarohat olib kasalxonaga yotqizilgan.