Qo‘qonda yuk avtomashinasini o‘g‘irlab ketishdi

Farg‘ona viloyatining Qo‘qon shahrida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Shu yil 26 avgust kuni  So‘x tumanida yashovchi B.S. IIBga murojaat qilib, unda shu yil 20 avgust kuni Qo‘qon shahrida joylashgan “Qo‘qon Muzaffar savdo kompleksi” MChJ hovlisida “MAN” rusumli yuk avtomashinasini qoldirib eshiklarini qulflab ketib, 26 avgust kuni qaytib kelgan vaqtida yuk avtomashinasi joyida yo‘qligini ma'lum qilgan.

Ko‘rilgan choralar natijasida ushbu jinoyatni So‘x tumanida yashovchi O.M. sodir etganligi aniqlanib, ushlangan.