Messi XXI asr rekordini o‘rnatdi

Foto: AP

«Barselona» hujumchisi Lionel Messi La Liga 3-turidan o‘rin olgan «Ueska»ga (8:2) qarshi o‘yinda 2ta gol urdi va shuncha golli uzatmani amalga oshirdi.

Natijada, argentinalik 150ta golli uzatmani amalga oshirgan XXI asrdagi ilk futbolchi bo‘ldi.

31 yoshli Messi top-5 ligalarning eng yaxshi assistentlari ro‘yxatini boshqarib turibdi. Undan keyingi o‘rinlarda Sesk Fabregas («Chelsi», 143), Mesut O‘zil («Arsenal», 128), Krishtianu Ronaldu («Yuventus», 122) va Dani Alves («PSJ», 110) bormoqda.

Messi La Liga o‘yinlarida eng ko‘p marta Luis Suares gollariga hammualliflik qilgan – 23. Undan keyingi o‘rinni Pedro Rodriges (14), Samyuel Eto’O (13), Neymar (12) va David Vilya (10) egallab turibdi.

Tayyorlagan: Сардор Юсупов

#Barselona #Lionel Messi