Onlayn-NKMni joriy etish bo‘yicha loyihani oktabrda boshlash rejalashtirilmoqda

Onlayn-NKMni joriy etish bo‘yicha pilot loyihani 1.10.2018 yildan 1.03.2019 yilgacha o‘tkazish, uning yakunlariga ko‘ra esa mamlakatimiz hududida tizimni joriy etish yuzasidan qaror qabul qilish ko‘zlanmoqda, deb yozadi Norma.
 
QHTBT portalida Vazirlar Mahkamasining respublikada onlayn-NKM tizimini pilot tariqasida ishga tushirishga yo‘naltirilgan qarori loyihasi e'lon qilingan. Hujjat Davlat soliq qo‘mitasi tomonidan ishlab chiqilgan.
 
Loyihani amalga oshirish va uning uslubiy kuzatuvini ta'minlash uchun Davlat soliq qo‘mitasi hamda Axborot texnologiyalari va kommunikatsiyalarini rivojlantirish vazirligi mas'ul bo‘lishi ko‘zlanmoqda.
 
Pilot loyihada ishtirok etish ixtiyoriy bo‘ladi. Buning uchun tadbirkorlik sub'yektlari soliq to‘lovchining shaxsiy kabineti orqali fiskal modulni ro‘yxatdan o‘tkaza oladilar.
 
Loyiha ishtirokchilarining majburiyatlari jadvalda qayd etilgan:

Qaror bilan loyiha doirasida foydalaniladigan uskunalarga doir texnik talablarni tasdiqlash rejalashtirilmoqda.