Orlovskdagi YTHda halok bo‘lgan o‘zbekistonliklarning shaxsi aniqlandi

Rossiya Federatsiyasi Orlovsk oblasti Orlovsk tumani hududida sodir bo‘lgan YTH oqibatida halok bo‘lgan O‘zbekiston Respublikasi fuqarolarining shaxsi aniqlandi. Bu haqda FVV xabar qilmoqda.

2018 yilning 11 sentabr kuni soat 07:15da Orlovsk oblasti Orlovsk tumanining M-2 «Qrim» avtoyo‘lining 322-kilometrida 403-yo‘nalishda harakatlanayotgan PAZ rusumli avtobus bilan DEU «Neksiya» rusumli yengil avtomobilning to‘qnashuvi sodir bo‘lgan.

Yo‘l-transport hodisasi natijasida voqea joyida DEU «Neksiya» avtomobilida bo‘lgan 2 nafar fuqaro vafot etgan, 1 nafar fuqaro turli darajada tan jarohati olib shifoxonaga yotqizilgan edi.

O‘zbekiston Respublikasi FVV, IIV, TIV va Rossiya Federatsiyasining FVV bilan olib borilgan tadbirlari natijasida DEU «Neksiya» rusumli avtotransportda bo‘lgan fuqarolar O‘zbekiston Respublikasi fuqarolari ekanligi aniqlandi.

Vafot etganlar:

1. Raxmonov Moxmirza Oymirzayevich 1986 t. – Andijon viloyati, Izboskan tumani, Guliston Chek ko‘chasi, 25 uyda istiqomat qilgan.
2. Gaziyeva Malikaxon Xabibulayevna 1983 y.t. – Andijon shahri, Qo‘shariq dahasi, 91 uy, 15 xonadonida istiqomat qilgan.

Vafot etganlar Mtsensk markaziy shifoxonasida saqlanmoqda.

Jarohatlangan:

1. Urinboyev Komoliddin Muklimenovich 1989 y.t. – Andijon viloyati Jalaquduq tumani, Oq echki ko‘chasida istiqomat qiladi (DEU «Neksiya» avtomobili haydovchisi), Mtsensk markaziy shifoxonasiga joylashtirilgan.