Hemilton Singapur Gran-prisi g‘olibi bo‘ldi

“Mersedes” jamoasi poygachisi Lyuis Hemilton “Formula-1”ning 15-bosqichi – Singapur Gran-prisi g‘olibi bo‘ldi. Hemilton mavsumdagi 7- va faoliyatidagi 69-g‘alabani qo‘lga kiritdi.

Hemilton belgilangan masofani 1 soat 51 daqiqa 11,161 soniyada bosib o‘tgan. Marraga ikkinchi bo‘lib Maks Ferstappen (“Red Bull” a'zosi, Hemiltondan 8,961 soniya ortda qolgan), uchinchi bo‘lib Sebastyan Fettel (“Ferrari”; +39,945 soniya) yetib kelgan.

Konstruktorlar bahsida Mercedes yetakchilik qilmoqda (415 ball), 2-o‘rinni Ferrari (390), 3-o‘rinni Red Bull (248) egallamoqda.

Poyganing keyingi bosqichi Rossiyaning Sochi shahrida 28-30 sentabr kunlari bo‘lib o‘tadi.