Kreml Isroilga nisbatan javob choralari haqida ma'lumot berdi

Rossiya prezidentining matbuot kotibi Dmitriy Peskov so‘zlariga ko‘ra, Suriyada Rossiyaga tegishli bo‘lgan Il-20 samolyoti urib tushirilganidan keyin javob choralari bir hafta davomida muhokama qilingan. Bu haqda RIA «Novosti» xabar bermoqda.

Peskovning so‘zlariga ko‘ra, ro‘y bergan hodisa Rossiya o‘z harbiy uchuvchilarining xavfsizligini ta'minlash uchun «faol va samarali choralar» ko‘rishi kerakligini ko‘rsatdi.

«Bu masala Moskvada ham harbiy ekspertlar, ham mamlakat rahbariyati orasida bir hafta davomida faol muhokama qilindi hamda shunday qaror qabul qilindi», - dedi Peskov.

Uning qo‘shimcha qilishicha, hodisani baholashda Rossiya tomoni o‘z ekspertlarining ma'lumotlari asosida ish olib bordi va ularni Isroilga taqdim etdi.

Eslatib o‘tamiz, avvalroq Putin Asaddan xafa ekani xabar berilgandi.