AQSh neft narxini qay yo‘sinda «bosib turishi» aytildi

AQShning Eron bo‘yicha maxsus vakili Brayan Xuk so‘zlariga ko‘ra, Eronga qarshi sanksiyalar joriy etishdan oldin Qo‘shma Shtatlar bozorda yetarlicha neft borligiga ishonch hosil qiladi. Bu haqda Reuters xabar bermoqda.

Ta'kidlanishicha, Xuk shu tarzda Amerika tomonining Tehronga nisbatan cheklovlar joriy etilgandan keyin neft narxi ko‘tarilib ketishiga oid xavotirlari haqidagi savolga javob qaytardi.

«Biz sanksiyalarni joriy etishdan oldin, neft bozorida yetarlicha taklif borligiga ishonch hosil qilamiz», - dedi Xuk.

Eslatib o‘tamiz, avvalroq neft narxi bir barrel uchun 100 dollargacha ko‘tarilishi xabar berilgandi.