Turkiyada Fathulla Gulenning ukasi uzoq muddatli qamoq jazosiga mahkum qilindi

Turkiyaning Izmir shahri sudi muxolifatchi Fathulla Gulenning ukasi Qutbiddin Gulenni qurollangan terrorchilik tashkilotiga a'zolik qilish ayblovi bilan 10,5 yillik qamoq jazosiga mahkum qildi. Bu haqda Anadolu axborot agentligi ma'lum qildi. 

Qutbiddin Gulen Izmirda 2016 yil oktabrda qo‘lga olingandi. 

Turkiya hukumati Fathulla Gulenning tashkiloti FETO’ni 2016 yil iyuldagi davlat to‘ntaruviga urinishda ayblab keladi. Ammo AQShda yashovchi Gulenning o‘zi bu ayblovlarni rad etadi.