OAV: AQSh maxsus topshiriqli kuchlari rus qurollarini ishlab chiqarmoqchi

AQSh armiyasining maxsus topshiriqli kuchlari mamlakatda Rossiya qurollarini ishlab chiqarishni rejalashtirmoqda. Bu haqda The National Interest xabar tarqatdi.

Nashr ma'lumotlariga ko‘ra, Amerika Qo‘shma Shtatlarining maxsus amaliyotlar qo‘mondonligi Rossiya qurollari nusxalarini yaratishga qodir bo‘lgan kompaniyalarga grantlar taklif qilgan.

Ta'kidlanishicha, potensial ishlab chiqaruvchilar mustaqil ravishda rus qurollarining chizmalarini topishlari kerak.

Shu bilan birga, kompaniyalar faqat Qo‘shma Shtatlar hududida Rossiya qurollari nusxasini ishlab chiqarishlari kerak. 

Eslatib o‘tamiz, avvalroq Pentagon yangi qurolni muddatidan oldin sinovdan o‘tkazishga va'da bergandi.