Qoʻshimcha funksionallar
-
Tungi ko‘rinish
O‘smirlar Olimpiadasi. Beshinchi kunda beshinchi medal
Buenos-Ayresda o‘smirlar o‘rtasidagi Olimpiya o‘yinlari davom etmoqda. Musobaqaning beshinchi kunida O‘zbekiston delegatsiyasi 5-medalni qo‘lga kiritdi.
Musobaqada og‘ir atletika bo‘yicha O‘zbekiston terma jamoasi o‘z ishtirokini muvaffaqiyatli boshladi.
-77 kg vazn toifasida dast ko‘tarish bahslarida qatnashgan Muhammadqodir Toshtemirov dast ko‘tarishda 140, siltab ko‘tarishda 168 kg toshni o‘ziga bo‘ysundirdi va umumiy hisobda 308 kg natija bilan kumush medal sovrindori bo‘ldi. U 309 kg ko‘rsatkichga erishgan armanistonlik atletdan kichik farq bilan ortda qolib, oltin medalni boy berdi. Shohsupaning uchinchi pog‘onasidan 295 kg og‘irlikni zabt etgan misrlik sportchi joy oldi.
Shu tariqa, hozirga kelib O‘zbekiston delegatsiyasi hisobida 1 ta oltin, 2 ta kumush va 2 ta bronza medallari mavjud.
Eslatib o‘tamiz, bunga qadar 7 oktabrda Ulug‘bek Rashitov (taekvondo, kumush), 8 oktabrda Nilufar Yermagambetova (dzyudo, bronza), 10 oktabr kuni Indira O‘lmasova (gimnastika, bronza) va Jayhunbek Nazarov (dzyudo, oltin) shohsupaga ko‘tarilgan edi.
Musobaqalar 18 oktabrda yakunlanadi.
Mavzuga oid
10:39 / 22.10.2018
O‘smirlar Olimpiadasida ishtirok etib qaytgan O‘zbekiston delegatsiyasi tantanali ravishda kutib olindi
16:40 / 19.10.2018
O‘smirlar Olimpiadasi yakunlari. Eng ko‘p medalni O‘zbekiston qaysi sport turlarida qo‘lga kiritdi?
08:13 / 19.10.2018
O‘smirlar Olimpiya o‘yinlari: O‘zbekiston 206 mamlakat ichida 13-o‘rinni egalladi
22:09 / 18.10.2018