AQShda «Maykl» bo‘roni qurbonlari soni oshmoqda

Amerika Qo‘shma Shtatlarida «Maykl» bo‘roni oqibatida 16 kishi qurbon bo‘ldi, bu raqam ortishi mumkin. Bu haqda The New York Times rasmiylar ma'lumotiga asosan xabar bermoqda.

Amerikaning Florida shtati shimoli-g‘arbiy qismi va Virjiniya shtati bo‘rondan eng ko‘p jabr ko‘rdi. U ko‘plab uylarning vayron bo‘lishiga olib keldi, 1,5 million odam elektr energiyasiz qoldi.

Ayni damda qutqaruvchilar voqea joyida ishlamoqda. Gazetaning qayd etishicha, shtatdagi ko‘plab aholi punktlari qurbonlar haqida xabar bermagan. Biroq, qutqaruvchilar omon qolganlarni topishga umid qilayotgan bo‘lsa-da, qurbonlar soni ko‘payishi ehtimoldan xoli emas.