Foto: Moskva markazida Islom Karimovga haykal o‘rnatildi
14 oktabrdan 15 oktabrga o‘tar tunda Moskva markazida, Yakimanka munitsipal okrugida O‘zbekiston birinchi prezidenti Islom Karimovning haykali paydo bo‘ldi. Bu haqda Asia-Plus xabar qilmoqda.
2,3 metr balandlikdagi yodgorlik muallifi britaniyalik eng mashhur haykaltaroshlardan biri Pol Deydir.
Qayd etilishicha, yodgorlikning qurilishiga xarajatlar O‘zbekiston birinchi prezidenti qizi Lola Karimova-Tillayeva boshchiligidagi Islom Karimov fondi tomonidan to‘lab berilgan.
Eslatib o‘tamiz, joriy yilning fevral oyi boshlarida Moskva sudi Islom Karimovga haykal o‘rnatish to‘g‘risidagi referendumni bekor qilgandi.
Moskva shahrining Zamoskvoretskiy sudi 2018 yil 18 mart kungi prezidentlik saylovlari kunida referendum o‘tkazishni taqiqlagandi, unda O‘zbekiston birinchi prezidenti Islom Karimovga haykal o‘rnatish masalasi ko‘tarilishi mumkin edi.
O‘shanda okrug deputatlari 25 yanvar kuni 18 martda mahalliy referendumni o‘tkazish va unga O‘zbekiston birinchi prezidenti Islom Karimovga haykal o‘rnatish hamda Karimov xiyobonida favvora o‘rnatish masalasini olib chiqish haqida qaror qabul qilishgan.
Mavzuga oid
18:35 / 17.09.2024
Moskva oblastida 2025 yildan boshlab migrantlar mehnati cheklanishi mumkin
21:00 / 16.09.2024
Moskva oblastida politsiyachi mashinasida o‘zbekistonlik bolani bosib ketdi
21:51 / 13.09.2024
Britaniyada Yelizaveta II ning yangi haykali paydo bo‘ldi. U ko‘plab bahslarga sabab bo‘lmoqda
10:45 / 12.09.2024