Bekobodda er-xotinni pichoqlagan shaxs qo‘lga olindi

2018 yil 14 oktabr kuni Toshkent viloyatining Bekobod tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Ma'lum bo‘lishicha, shu tumanda yashovchi Q.A. Farg‘ona ko‘chasida yashovchi O.B.ni uyi oldida u bilan o‘zaro janjallashib, unga va ularni ajratmoqchi bo‘lgan, O.B.ning rafiqasi S.B.ga pichoq bilan jarohat yetkazgan. Natijada er-xotinlar kasalxonaga yotqizilgan. Q.A. esa qo‘lga olingan.

Holat yuzasidan jinoyat ishi qo‘zg‘atilib, tergov harakatlari olib borilmoqda.