Nukusda kollej o‘quvchisi o‘zaro janjal sabab tanishini jarohatladi

2018 yil 21 sentabr kuni Qoraqalpog‘iston Respublikasining Nukus shahrida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar  qilmoqda.

Ma'lum bo‘lishicha, shu shaharda yashovchi Iqtisodiyot kasb-hunar kolleji 3-kurs o‘quvchisi B.K. “Asem” savdo markazi oldida o‘zaro janjal tufayli tanishi A.U.ning yuz va bosh qismlariga qo‘li bilan urib jarohat yetkazgan. 

Natijada A.U. kasalxonaga yotqizilgan. B.K. esa qo‘lga olingan.

Holat yuzasidan jinoyat ishi qo‘zg‘atilib, tergov harakatlari olib borilmoqda.