Mixail Saakashvilini Qozog‘iston hukumatiga ishga olishni taklif qilishdi

Taldiqo‘rg‘anlik taniqli jamoat arbobi Nur Kanato‘g‘li Gruziya sobiq prezidenti Mixail Saakashvili va uning jamoasini Qozog‘iston hukumatiga 5 yilga taklif qilishni tashabbusi bilan chiqdi.

«Yaqinda bizning prezident mamlakat va xalq uchun ishlashni istamagan ko‘plab bekorchi amaldorlarni ishdan haydash hamda ularni xorijiy professionallar bilan almashtirish bilan tahdid qildi. 

Menda Yo‘lboshi uchun yaxshi va samarali taklif bor - keling, Mixail Saakashvili va uning butun jamoasini 5 yilga taklif qilamiz», – deya yozgan u Facebook’dagi sahifasida. 

Kanato‘g‘liga ko‘ra, Saakashvili Nursulton Nazarboyevning ko‘magida «mamlakatda bir-ikki yil ichida aniq tartib o‘rnatib tashlaydi».

Jamoat arbobi Nur Kanato‘g‘li tadbirkorlar va fuqarolarning huquqlarini himoya qilish, shuningdek, davlat organlari faoliyatini nazorat qilish bilan shug‘ullanadi.