Yelmurat Tasmuradov sport kurashlari bo‘yicha jahon chempionati finaliga yo‘l oldi

Vengriya poytaxti Budapesht shahrida sport kurashlari bo‘yicha jahon chempionati o‘zining qizg‘in pallasiga kirgan. Bugundan musobaqada yunon-rum kurashi bo‘yicha musobaqalarga start berildi.

Quvonarlisi, jahon chempionatida -63 kg vazn toifasida yurtimiz sharafini himoya qilayotgan Yelmurat Tasmuradov Belarus, Xitoy, Moldova, Ukraina vakillarini mag‘lubiyatga uchratdi va finalga yo‘l oldi. Endi u ertaga oltin medal uchun rossiyalik Stepan Maryanyanga qarshi gilamga chiqadi, deb xabar bermoqda Milliy olimpiya qo‘mitasi rasmiy sayti.

Eslatib o‘tamiz, bungacha erkin kurash bahslarida ishtirok etgan Bekzod Abdurahmonov bronza medaliga ega chiqqani haqida xabar berilgan edi.