Fransiyada Yevropani «imperiya»ga aylantirishga chaqirishdi

Fransiya moliya vaziri Bryuno le Mer Yevropani xuddi Amerika Qo‘shma Shtatlari va Xitoy singari «imperiya»ga aylantirishga chaqirdi. Bu haqda Handelsblatt xabar bermoqda.

Uning so‘zlariga ko‘ra, Yevropa «o‘z kuchlarini ishlatishdan qo‘rqmasligi» kerak.

Shuningdek, uning qo‘shimcha qilishicha, Yevropa «imperiyasi» huquqiy davlat prinsiplariga asoslangan ham bo‘lishi lozim.

Merning ta'kidlashicha, YeIni AQShning Eronga qarshi sanksiyalari oqibatlaridan himoya qilish kerak.

Eslatib o‘tamiz, avvalroq «Taxtlar o‘yini» uslubida Eronga tahdid qilgan Tramp yangi bitimga tayyorligini ma'lum qilgandi.