To‘raqo‘rg‘on tumanida qotillik sodir bo‘ldi

Illyustrativ foto

2018 yil 6 noyabr kuni Namangan viloyati To‘raqo‘rg‘on tumanida qotillik yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Ma'lum bo‘lishicha, shu tumanda yashovchi H.A. “Umid” MFY hududida joylashgan savdo do‘koni oldida o‘zaro janjal tufayli Namangan shahrida yashagan U.A.ga pichoq bilan jarohat yetkazib, voqea joyidan yashiringan.

Natijada U.A. kasalxonaga olib ketilayotganida vafot etgan. Ko‘rilgan choralar natijasida H.A. ushlangan.

Holat yuzasidan jinoyat ishi qo‘zg‘atilib, tergov harakatlari olib borilmoqda.