«Lukoyl» O‘zbekistondagi loyihalar hisobidan gaz qazib olishni ko‘paytirdi
Rossiyaning «Lukoyl» kompaniyasi tomonidan gaz qazib olish hajmi o‘sishi asosan O‘zbekistondagi gaz loyihalarini rivojlantirish bilan bog‘liq, deyiladi kompaniya xabarida.
«Lukoyl» guruhi tomonidan gaz qazib olish hajmi 2018 yilning 9 oyi mobaynida 24,6 milliard kub.m.ni tashkil etdi, bu 2017 yilning shu davriga nisbatan 19,2% ga ko‘p. 2018 yilning uchinchi choragida gaz qazib olish 8,5 milliard kub.m.ni tashkil etdi, bu o‘rtacha kunlik ko‘rsatkich bo‘yicha 2018 yilning ikkinchi choragi darajasidan 3,6% ga yuqori.
«Gaz qazib olish hajmi o‘sishida O‘zbekistondagi loyihalarning muvaffaqiyatli rivojlanishi asosiy omilga aylandi. Gaz tayyorlash bo‘yicha yangi quvvatlar ishga tushirilishi natijasida «Lukoyl» guruhining Qandim va Hisor loyihalari bo‘yicha qazib olishdagi ulushi 2018 yil 9 oyi mobaynida 9,6 milliard kub.m.ga yetdi, bu 2017 yilning shu davriga nisbatan 84% ga ko‘p», - deyiladi xabarda.
Shuningdek, xabar qilinishicha, sentabrda Qandim gazni qayta ishlash kompleksi yiliga 8 mlrd kub.m.lik loyihaviy quvvatga yetdi.
Mavzuga oid
17:44 / 29.09.2024
Farg‘onada gazdan noqonuniy foydalanib davlatga 5.5 mlrd zarar yetkazgan shaxslar ushlandi
18:31 / 27.09.2024
“100 mln dollarlik gazning havoga uchishi to‘xtaydi” - AQSh kompaniyasi O‘zbekistonda gaz tarmoqlarini ta’mirlamoqda
13:30 / 20.09.2024
GFR iqtisodiyot vaziri: Germaniyada endi gaz taqchilligi yo‘q
11:16 / 12.09.2024