OAV: «Barselona» Neymarni qaytarish bo‘yicha muzokara olib bormoqda

«Barselona» rahbariyati hujumchi Neymarni «Pari Sen-Jyermen»dan klubga qaytarishga harakat qilib ko‘rish to‘g‘risida qaror qabul qildi.

Goal ma'lumotiga ko‘ra, ko‘k-anorranglilar rahbarlari braziliyalikning vakillari bilan aloqaga chiqib, Neymar transferi borasida taklif berishga tayyor ekanliklari haqida bildirishgan. Biroq, bunda uning o‘zi kelishuv tashabbuskori bo‘lishi talab etiladi.

26 yoshli Neymar 2017 yilning yozida «Barselona»dan «PSJ»ga 222 mln yevro evaziga o‘tdi. Ta'kidlanishicha, uning parijliklar bilan shartnomasida, u kimdir shu pulni taklif qilsa, klubni tark etishi mumkinligi haqida band bor.