Ikkita «Spark»ni olib, firibgarlik qilgan shaxs ushlandi

Joriy yilning 23 noyabr kuni Toshkent shahar Yashnobod tuman IIBga tushgan xabarga ko‘ra, shu yil 5 may kuni Yangilik 1-tor ko‘chasida yashovchi I.N. Baxt ko‘li ko‘chasida yashovchi B.Q.ning uyi oldida unga tegishli ikkita “Spark” avtomashinasini muddatli to‘lov sharti bilan 25 000 AQSh dollariga sotib olishga kelishgan.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, bu shaxs oldindan 6 000 AQSh dollarini bergan va avtomashinani olib ketgan.

So‘ng avtomashinalarni I.N. o‘zining nomiga rasmiylashtirib, boshqa shaxsga sotib yuborgan va shu kunga qadar qolgan pullarni bermagan. 

Holat yuzasidan jinoyat ishi qo‘zg‘atilib, I.N. ushlangan. Tergov harakatlari olib borilmoqda.