Tramp Xitoy bo‘yicha yangilikni ma'lum qildi

AQSh prezidenti Donald Trampning tvitterda ma'lum qilishicha, Xitoy Amerika avtomobillarini mamlakatga olib kirishga bojlarni kamaytirish va bekor qilishga rozi bo‘lgan.

Uning so‘zlariga ko‘ra, bugungi kunda bojlar hajmi 40 foizni tashkil etmoqda.

Shuningdek, uning qo‘shimcha qilishicha, gap Qo‘shma Shtatlarda ishlab chiqarilgan avtomobillar importiga tariflar haqida ketmoqda.

Eslatib o‘tamiz, avvalroq Tramp Xitoy iqtisodiyotining o‘sish sur'atlari pasaygani haqida ma'lum qilgandi.

Uning so‘zlariga ko‘ra, Xitoy Xalq Respublikasi AQShning bojlari tufayli «juda qiyin holatda qolgan». Shuningdek, qo‘shimcha qilishicha, Pekinga qarshi bojlarni yanada kuchaytirishni xohlamayapti. Trampning qayd etishicha, hozirgi vaqtda AQSh iqtisodiyoti Xitoyga qaraganda «ancha kattaroqqa aylandi».