Shaxsning sudlanganlik holati qanday paytlarda tugallanadi?

O‘zbekistonda shaxsning sudlanganlik holati qator paytlarda tugallanadi. Bu haqda Adliya vazirligi telegram-kanali xabar qilmoqda.

Bunday holatlar:
 
shartli hukm qilinganlarga nisbatan – sinov muddati tugagan kundan boshlab; 

majburiy jamoat ishlari, xizmat bo‘yicha cheklash yoki intizomiy qismga jo‘natish tarzidagi jazolarini o‘tab chiqqach; 

jarima jazosi ijro etilgan kundan keyin, shuningdek muayyan huquqdan mahrum qilish yoki axloq tuzatish ishlari jazolari o‘talganidan keyin bir yil o‘tgach; 

ozodlikni cheklash jazosi o‘talganidan keyin – ikki yil o‘tgach; 

besh yildan ko‘p bo‘lmagan muddatga ozodlikdan mahrum qilish jazosi o‘talganidan keyin – to‘rt yil o‘tgach; 

besh yildan ortiq, lekin o‘n yildan ko‘p bo‘lmagan muddatga ozodlikdan mahrum qilish jazosi o‘talganidan keyin – yetti yil o‘tgach; 

o‘n yildan ortiq, lekin o‘n besh yildan ko‘p bo‘lmagan muddatga ozodlikdan mahrum qilish jazosi o‘talganidan keyin – o‘n yil o‘tgach. 

Eslatib o‘tamiz, avvalroq sudlanganlikka oid ma'lumotlarni olish osonlashishi xabar berilgandi.