O‘zbekistonda yana sakkiz kishi is gazidan zaharlandi
Joriy yilning 3 dekabr kuni Samarqand viloyatining Past Darg‘om tumanida yashovchi S.U. (ayol) uyini isitish maqsadida o‘tin yoqib, cho‘g‘larini yotoqxonasiga olib kirishi oqibatida o‘zi va 3 nafar farzandlari is gazidan zaharlangan. Ularga kasalxonada tibbiy yordam ko‘rsatilgan.
Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.
Shuningdek, joriy yilning 3 dekabr kuni Sirdaryo viloyatining Oqoltin tumanida yashovchi N.Yu. (ayol) uyida isitish pechini yoqib uxlab qolishi oqibatida, isitish pechidan sizib chiqqan tabiiy gaz isidan o‘zi va 3 nafar farzandlari zaharlangan. Ularga kasalxonada tibbiy yordam ko‘rsatilgan.
Har ikkala holat yuzasidan surishtiruv ishlari olib borilmoqda.
Eslatib o‘tamiz, avvalroq Sirdaryo va Jizzaxda besh kishi is gazidan zaharlangani xabar qilingandi.
Mavzuga oid
09:54
Samarqandda qizlarni O‘mon davlatiga fohishalikka jo‘natgan ayollarga sud hukmi o‘qildi
12:16 / 14.09.2024
Samarqandda OIIB boshqaruvchilar kengashi yillik yig‘ilishi o‘tkaziladi
17:12 / 13.09.2024
Samarqandda maktabda qarta o‘ynagan direktor ishdan olindi
08:00 / 13.09.2024