Politsiya Barselonadagi terakt xavfini tasdiqladi

Kataloniya politsiyasi vakilining tasdiqlashicha, huquq-tartibot idoralari xodimlari ehtimoliy terroristik tahdid haqida ma'lumot olishgan. Bu haqda TASS xabar bermoqda.

Hozirgi vaqtda politsiyachilar Marokash fuqarosini qidirishmoqda. U, katta ehtimol bilan, yangi yil bayramlarida Barselonada hujum uyushtirishni mo‘ljallagan.

Eslatib o‘tamiz, avvalroq AQSh Davlat departamenti Barselonadagi teraktlar haqida ogohlantirgandi.

«Barselonadagi Las Rambla tumanida rojdestvo va yangi yil vaqtida avtotransport harakatlanuvchi joylarda, jumladan, avtobuslarda o‘ta ehtiyotkor bo‘lish tavsiya etiladi. Terrorchilar hech qanday yoki deyarli ogohlantirishsiz hujum qilishi mumkin, ularning maqsadi - sayyohlik joylari, transport tarmoqlari hamda boshqa jamoat joylari», - deyiladi xabarda.