Buyuk Britaniyada taomlarning kaloriyasini qonunan cheklash taklif etildi 

Buyuk Britaniyada taomlarning kaloriyasini qonunan cheklash taklif etildi. Bu haqda The Sun nashri xabar berdi. 

Mamlakat sog‘liqni saqlash vazirligi ijroiya agentligi har qanday yarimfabrikatga 544 kaloriya miqdorida limit joriy qilishni talab qilmoqda. Nashr ma'lumotlariga ko‘ra, davlat bolalar semizligiga qarshi kurashmoqda va 2024 yilgacha har qanday mahsulotning kaloriyaligini 20 foizga qisqartirishni rejalashtirmoqda.  

Supermarketlarda sotiladigan sendvich va salatlarni 550 kaloriyagacha, restorandagi asosiy taomlarni esa 951 kaloriyagacha cheklashga qaror qilindi. Mahsulotlar ishlab chiqaruvchilari hukumat tomonidan taklif qilingan rejadan g‘azablanmoqdalar. Tanqidchilar cheklovlarni “zulmkor, g‘ayriilmiy va noreal” deb atashgan.

Mutaxassislar restorator va reteylerlarni ko‘ngilli tarzda hamkorlik qilishni istamasalar, yangi qoidalar qonunan kuchga kirishidan ogohlantirishgan.