«Barselona» yangi transferini e'lon qildi

«Tuluza» himoyachisi Jan-Kler Todibo faoliyatini «Barselona»da davom ettiradi. Bu haqda klub rasmiy saytida ma'lum qilingan

19 yoshli fransuz futbolchisi «Tuluza» bilan shartnomasi muddati yakunlangan, 2019 yilning 1 iyulida erkin agent sifatida kataloniyaliklar safiga qo‘shiladi.

Todibo «Barselona» bilan 4 yillik shartnoma imzolaydi.

Joriy mavsumda futbolchi Fransiya chempionatida 10 uchrashuvda maydonga tushdi va 1 gol muallifi bo‘ldi.

Ushbu himoyachiga «Real», «Yuventus» va «Manchester Siti» kabi klublar ham da'vogarlik qilgandi.