Dekabr oyining ramziy terma jamoasi tuzildi

Yevropa sport nashrlari assotsiatsiyasi (ESM) qit'adagi milliy chempionatlar bo‘yicha o‘tgan yilning dekabr oyining ramziy terma jamoasini tuzdi.

An'anaviy ravishda La Gazzetta dello Sport (Italiya), A Bola (Portugaliya), Marca (Ispaniya), De Telegraaf (Niderlandiya), Kicker (Germaniya), World Soccer (Angliya), Frankfurter Allgemeine (Germaniya), Tipsbladet (Daniya), ELF Voetbal (Niderlandiya), Fanatik (Turkiya), Nemzeti Sport (Vengriya), Sport Voetbal Magazine (Belgiya) nashrlari va Rossiyaning «Sport-Ekspress» nashri ESM so‘rovnomasida ishtirok etgan.

Hammadan ko‘p ovoz Virjiyl van Deyk, Muhammad Saloh (ikkisi - «Liverpul») va Lionel Messi («Barselona»)ga berilgan.

Dekabr oyining ramziy terma jamoasi:

Darvozabon: Alisson Bekker «Liverpul»;
Himoyachilar: Xolid Kulibali («Napoli»), Jyerar Pike («Barselona»), Virjiyl van Deyk («Liverpul»), Joshua Kimmix («Bavariya»);
Yarimhimoyachilar: Jyeyson Sancho («Borussiya» D), Pol Pogba («Manchester Yunayted»), Eden Azar («Chelsi»);
Hujumchilar: Krishtianu Ronaldu («Yuventus»), Muhammad Saloh («Liverpul»), Lionel Messi («Barselona»).

Bundan tashqari quyidagi futbolchilar ESM talqini bo‘yicha ramziy terma jamoadan o‘rin olish uchun da'vogarlik qilishgandi:

Darvozabonlar: ter Shtegen («Barselona»), Kurtua («Real»);
Himoyachilar: Aleks Telles («Portu»), Nelson Semedu, Jordi Alba (ikkisi - «Barselona»), Hakimi, Pishchek (ikkisi - «Borussiya» D), Aleks Sandro, Bonuchchi (ikkisi - «Yuventus»), Mendi («Lion»), Tripper («Tottenhem»), Lovren, Robertson (ikkisi - «Liverpul»), Bernat («PSJ»), Blind («Ayaks»), Uoker («Manchester Siti»), Serxio Ramos («Real»);
Yarimhimoyachilar: Vitsel, Roys (ikkisi - «Borussiya» D), Buskets («Barselona»), Fabinyu («Liverpul»), Brunu Fernandesh («Sporting» L), Kante, Jorjinyu (ikkisi - «Chelsi»), Milinkovich-Savich («Latsio»), Bentankur («Yuventus»), Rodri («Valensiya»), Eriksen («Tottenhem»), Riberi, Goretska (ikkisi - «Bavariya»), Sarabiya («Sevilya»), Saul («Atletiko»), Bernardu Silva («Manchester Siti»), Dengiz Under («Roma»);
Hujumchilar: Kualyarella («Sampdoriya»), Sapata («Atalanta»), Dembele («Barselona»), Roberto Firmino («Liverpul»), Obameyang («Arsenal»), Keyn («Tottenhem»), Mbappe («PSJ»), Pentek («Jyenoa»), Aguero, Sterling (ikkisi - «Manchester Siti»).