00:32 / 23.10.2020
20067
«Криштиану «Реал»да эканлигида «Эл Класико» ўзгача ўтарди» – Месси Роналду билан рақобати ҳақида гапирди 
Фото: Reuters

«Барселона» ҳужумчиси Лионель Месси «Реал»нинг собиқ ҳужумчиси, ҳозирда «Ювентус»да ўйнаётган Криштиану Роналду билан рақобати доимий бўлишини айтди.

«Роналдуга қарши ўйинлар ўзига хос бўлган ва доим шундай бўлиб қолади. Бу рақобат кўп йиллардан бери давом этиб келмоқда. Буни узоқ вақт давомида ушлаб туриш осон эмас.

Мен ва Криштиану ўртасидаги дуэль жуда яхши даражада бўлган ва одамларга ёққан.

Шубҳасиз, Криштиану «Реал»да ўйнаганида, «Эл Класико»лар ўзгача ўтарди. Бу ўтмишда қолди. Биз энди янги чақирувларни кутяпмиз. Чоршанба куни «Ювентус» билан ўйин. Умид қиламанки, Криштиану тез орада COVID'дан тикланади ва бизга қарши баҳсда иштирок этади», – дея Мессининг сўзларини келтиради DAZN.

Мавзу
Эл-класико
28 октябрь куни Испания чемпионатининг 10-тури доирасида «Реал» ва «Барселона» ўртасида навбатдаги эл-класико баҳси ўтказилади. Бу кўп йилдан буён илк марта Месси ва Роналдусиз эл-класико баҳси бўлади
Барчаси
Top