Dilshod Axatov Xitoy elchisi bilan muzokaralar o‘tkazdi

2019 yilning 8 yanvar kuni O‘zbekiston Respublikasi tashqi ishlar vaziri o‘rinbosari Dilshod Axatov Xitoy Xalq Respublikasi favqulodda va muxtor elchisi Szyan Yan bilan uchrashdi.

TIV xabariga ko‘ra, suhbat chog‘ida O‘zbekiston – Xitoy munosabatlarining dolzarb jabhalari muhokama qilindi. Shuningdek, 2019 yilga mo‘ljallangan qo‘shma tadbirlarning jadvali borasida ham fikr almashildi.

Uchrashuvda O‘zbekiston delegatsiyasining «Bir makon, bir yo‘l» ikkinchi xalqaro forumida ishtirokiga oid amaliy masalalarga alohida e'tibor qaratildi.