Ispaniya sayyohlarning tashrifi bo‘yicha rekord o‘rnatdi

Ispaniya qabul qilgan sayyohlar soni bo‘yicha navbatdagi rekordni o‘rnatdi: 2018 yilda ushbu davlatga 82,6 mln kishi tashrif buyurgan. Bu haqda Ispaniya sanoat, savdo va turizm vaziri Reyyes Maroto ma'lum qildi. 

Bu ko‘rsatkich 2017 yilgiga nisbatan 0,9 foiz yuqoriroq bo‘lgan.

Ispaniya sayyohlarni qabul qilish bo‘yicha Fransiyadan keyin ikkinchi o‘rinni egallaydi. 2017 yilda Fransiyada 87 mln kishi bo‘lgan, 2018 yil bo‘yicha ma'lumotlar hali e'lon qilinmagan.

Ispaniyada sayyohlar 2018 yil davomida 89,7 mlrd yevro pul sarflashgan. Bu qiymat 2017 yilgiga nisbatan 3,1 foiz ko‘proq bo‘lgan. Har bir sayyoh o‘rtacha 1082 yevro sarflagan.