Osiyo Kubogi anonsi. O‘zbekiston Avstraliyaga qarshi va boshqa o‘yinlar

Bugun, 21 yanvar kuni Osiyo Kubogida nimchorak final doirasida yana 3ta o‘yin bo‘lib o‘tadi.

Kunning birinchi uchrashuvi guruh bosqichida O‘zbekistonga guruhdosh bo‘lgan va birinchi o‘rinni egallagan Yaponiya terma jamoasi hamda E guruhida Qatardan ortda qolib, ikkinchi bo‘lgan Saudiya Arabistoni o‘rtasida kechadi. Bu o‘yin mahalliy vaqt bilan soat 15:00da (Toshkent vaqti bilan soat 16:00da) boshlanadi. Bu juftlik g‘olibini keyingi bosqichda Vetnam kutmoqda. Chorak final o‘yini 24 yanvar kuni bo‘lib o‘tadi.

Bugun O‘zbekiston milliy terma jamoasi Osiyo Kubogi 1/8 finalidan o‘rin olgan uchrashuvda Avstraliyaga qarshi maydonga tushadi. O‘yin Al-Ayn shahridagi «Xalifa bin Zayd» stadionida mahalliy vaqt bilan soat 18:00da (Toshkent vaqti bilan soat 19:00da) boshlanadi.

Guruh bosqichida O‘zbekiston F guruhida ishtirok etib, Yaponiyadan keyin ikkinchi o‘rinni olgan, Avstraliya esa B guruhida Iordaniyadan ortda qolgan va ikkinchi o‘rin bilan pley-offga chiqqan. Bu juftlik g‘olibi chorak finalda, 25 yanvar kuni BAA-Qirg‘iziston juftligi g‘olibi bilan bellashadi.

Kunning uchinchi o‘yini esa turnir mezbonlari Birlashgan Arab Amirliklari hamda Qirg‘iziston o‘rtasida kechadi. Uchrashuv 22:00 da boshlanadi. BAA guruh bosqichini A guruhida o‘tkazib, 5 ochko bilan 1-o‘rinni egallagandi. Qirg‘iziston esa C guruhidan uchinchi o‘rin bilan pley-offga chiqqan. Yuqorida aytilganidek, bu juftlik g‘olibi chorak finalda O‘zbekiston va Avstraliya juftligida g‘olib bo‘lgan jamoaga qarshi yarim final yo‘llanmasi uchun maydonga chiqadi.