Toshkentda sayyohlarga qulaylik uchun ilk yo‘l ko‘rsatuvchi pilon o‘rnatildi
Toshkent shahrida mahalliy va xorijiy sayyohlarga qulaylik yaratish maqsadida ilk yo‘l ko‘rsatuvchi pilon o‘rnatildi. Kun.uz muxbiri Toshkent shahar turizmni rivojlantirish departamenti vakillaridan olingan ma'lumotga asoslanib, shu haqida xabar berdi.
Sayyohlar o‘z manzillariga tez va oson yetib borishi uchun qulay sharoitlarni yaratish maqsadida Toshkent shahar turizmni rivojlantirish departamenti “Media lyuks” xususiy korxonasi reklama agentligi bilan hamkorlikda “O‘zbekiston” mehmonxonasi yaqiniga zamonaviy yo‘l ko‘rsatuvchi pilonni tajriba tariqasida joyladi.
Pilonda sayyohlar uchun poytaxt xaritasi aks etgan bo‘lib, unda shahardagi barcha diqqatga sazovor joylar hamda turizm infratuzilmalari belgilab qo‘yilgan.
Bunday pilonlar dunyoning barcha rivojlangan mamlakatlarining turistik shaharlarida o‘rnatilgan.
Mavzuga oid
18:58 / 19.09.2024
Toshkentda issiqlik energiyasi va issiq suv tariflari oshiriladi
19:38 / 18.09.2024
Toshkentda o‘ndan ortiq avtobus yo‘nalishi vaqtincha o‘zgaradi
18:31 / 18.09.2024
«Toshkent metropoliteni» aholidan imkon qadar tezroq harakatlanishni so‘radi
22:42 / 17.09.2024