AQShda milliard dollarlik giyohvand modda aniqlandi

AQSh huquq-tartibot idoralari deyarli bir milliard dollarga baholanayotgan rekord miqdordagi giyohvand moddani aniqlashdi. Ushbu giyohvand moddalar Avstraliyaga ikkita katta konteynerda yetkazilishi kerak bo‘lgan.

Ta'kidlanishicha, topilgan giyohvand moddalar orasida 1,5 tonnadan ko‘proq metamfetamin, 25 kg kokain va 5 tonna geroin bo‘lgan.

Operatsiya AQSh va Avstraliya huquq-tartibot idoralari bilan birgalikda o‘tkazilgan.

Avstraliyaning Viktoriya va Yangi Janubiy Uels shtatlarida ushbu kontrabandaga aloqador 6 kishi qo‘lga olingan. 

Avstraliyada narkotrafik uchun tayinlanadigan eng oliy jazo umrbod qamoq jazosi hisoblanadi.