O‘zbekiston chempionatida jahon rekordi o‘rnatildi
Og‘ir atletika bo‘yicha o‘smirlar o‘rtasidagi O‘zbekiston chempionatida jahon rekordi qayd etildi. Bu haqda GoSport xabar bermoqda.
Samarqanddagi o‘yin turlari va yengil atletikaga ixtisoslashtirilgan bolalar-o‘smirlar sport maktabida 2002 yil tug‘ilgan va undan kichik yoshdagi o‘smirlar o‘rtasida bo‘lib o‘tayotgan O‘zbekiston chempionatining qizlar o‘rtasidagi bahslarida, -64 kg vazn toifasida musobaqada ishtirok etayotgan Kumushxon Fayzullayeva dast ko‘tarishda 97 kg toshni o‘ziga bo‘ysundirgan holda musobaqa oltin medali bilan bir qator mazkur vazn toifasida o‘smirlar o‘rtasidagi jahon rekordini yangiladi.
Yoshlar o‘rtasida jahon chempioni, o‘smirlar o‘rtasida olimpiada chempioni bo‘lgan Fayzullayeva siltab ko‘tarishda 121 kg, jami 218 kg natija bilan o‘z vazn toifasida tengsiz deb topildi.
Ma'lumot uchun, o‘smirlar o‘rtasidagi O‘zbekiston chempionatida yigitlar va qizlar o‘ntadan vazn toifasida bahs yuritishdi. Besh kun mobaynida o‘tkazilgan musobaqada Qoraqalpog‘iston Respublikasi, Toshkent shahri va barcha viloyatlardan 250 nafardan ziyod o‘g‘il-qizlar ishtirok etishdi.
Mavzuga oid
15:20 / 17.09.2024
Yaponiyalik ayol dunyodagi eng keksa odam deb topildi
11:30 / 06.07.2024
Dunyoni hayratlantirayotgan Xitoy. Yangi avtomobil yo‘li 10 ta rekordni yangiladi
21:10 / 20.04.2024
Dyuplantis langarcho‘pda sakrash bo‘yicha jahon rekordini sakkizinchi marta yangiladi
20:45 / 15.03.2024