Rossiya Tojikistonga 9 mln dollarlik harbiy texnikani bepul taqdim qildi

Rossiya Tojikistonga chegaralarini mustahkamlashi uchun umumiy qiymati 9 mln dollarlik radiolokatsion stansiyalar va boshqa harbiy texnikani bepul taqdim qildi. Bu haqda Rossiya mudofaa vazirligi ma'lum qildi.

“Tojikistonga Rossiyaning harbiy maqsaddagi mahsulotlarini beg‘araz yordam ko‘rsatish doirasida yetkazish davom etmoqda. Yetkazib berilgan 9 mln dollarlik mulk havo obektlarini topish va kuzatish uchun mo‘ljallangan radiolokatsion stansiyalar hamda Tojikiston havoga qarshi mudofaa majmualari uchun boshqa vositalarni o‘z ichiga oladi”, deyilgan xabarda.

Ta'kidlanishicha, harbiy texnika Tojikiston milliy qurolli kuchlarini modernizatsiya qilish dasturini bajarish doirasida yetkazilmoqda.