Turkiya parlamenti deputati Mustafo Shantop Binali Yildirim o‘rniga parlament spikeri etib saylandi. Yildirim Istanbul meri lavozimiga nomzodini qo‘yish uchun iste'foga chiqdi.
Hukmron Adolat va taraqqiyot partiyasi vakiliga deputatlardan zaruriy 301 nafardan 336 nafari ovoz bergan. Uni uchinchi urinishda saylashga muvaffaq bo‘lingan.
Shantopning spiker lavozimi uchun kurashdagi raqiblari muxolifatchi Engin Oltoy, Xalqlar demokratiyasi partiyasidan Sarpil Kamolboy Pakgazagyu va millatchilar partiyasidan Imom Husayn Filiz bo‘lgan.
Yildirim Turkiya parlamenti raisi lavozimidan iste'foga chiqishini 18 fevralda e'lon qilgandi, chunki mahalliy saylovlarda Istanbul meri lavozimi uchun kurashadi.
Turkiyada mahalliy saylovlar 31 martda bo‘lib o‘tadi.
