Ronaldu jarohat oldi

«Yuventus» hujumchisi Krishtianu Ronaldu A Seriyadan o‘rin olgan «Bolonya» (1:0) klubiga qarshi o‘yinda tovonidan jarohat olgan. Bu haqda turinliklar matbuot xizmati xabar bermoqda.

Bugungi mashg‘ulotlarda futbolchi Duglas Kosta bilan birga alohida dastur asosida shug‘ullangan. Ertaga Ronaldu chuqurroq tibbiy ko‘rikdan o‘tishi lozim.

«Yuventus» klubi 3 mart, yakshanba kuni A Seriya doirasida «Napoli»ga qarshi o‘ynaydi.