Qashqadaryoda yirik o‘g‘rilik sodir etgan 19 yoshli shaxs ushlandi

Shu yil 23 mart kuni Qashqadaryo viloyatining Yakkabog‘ tumanida yashovchi O.Yu. (ayol) IIBga murojaat qilgan, deb xabar bermoqda O‘zbekiston Respublikasi IIV Jamoatchilik va OAV bilan aloqalar boshqarmasi.

U shu yil 19 martga o‘tar kechasi noma'lum shaxs uyidan 20 mln. so‘m puli, 100 AQSh dollari va 7 turdagi zargarlik buyumlarini o‘g‘irlab ketganligini ma'lum qilgan.

Holat yuzasidan jinoyat ishi qo‘zg‘atilgan. Ko‘rilgan choralar natijasida ushbu jinoyatni Yakkabog‘ tumani Cho‘mich mahallasida yashovchi 19 yoshli U.J. sodir etganligi aniqlanib, ushlangan. 

Tergov davom etmoqda, deyiladi xabarda.