Zelenskiy Timoshenkoga Poroshenko bilan debatlarda hakam rolini bajarishni taklif qildi

Ukraina prezidenti lavozimiga nomzod, shoumen Vladimir Zelenskiy prezident saylovlarining 2-bosqichiga o‘ta olmagan Yuliya Timoshenkoga Pyotr Poroshenko bilan debatlarda hakam bo‘lishni taklif qildi.

“Pyotr Poroshenko chaqirig‘imni qabul qildi, u gaplashish ohangini keskin o‘zgartirdi. Xo‘sh, janob prezident, sizning epsiz uzrlaringizni qabul qilaman, men kamtar odamman. Ukraina fuqarolarining uchdan biriga kelsak, ularning o‘zi hal qilsin. Ushbu debatlar Ukrainani birlashtirish va butun dunyoga erkin demokratik davlat sifatida dovrug‘ini yoyish uchun imkoniyatdir”, deb aytgan Zelenskiy Facebook’da joylashtirilgan videoda.

“Pora berish, ig‘volar, ma'muriy bosimdan qochish uchun debatlarni o‘tkazishda mustaqil hakam va boshlovchi roliga Yuliya Timoshenkoni belgilashni taklif qilamiz. Siz 1-bosqichda 3-o‘rin egalladingiz va nomzodlardan birortasini qo‘llab-quvvatlamadingiz. Siz debatlarda halol qoidalar va teng imkoniyatlar kafili bo‘la olasizmi?”, deb yuzlangan Zelenskiy Timoshenkoga.

Shoumen Timoshenkodan ushbu taklifga javobni 24 soat ichida kutib qolishini qo‘shimcha qilgan.