AQShda qurilish krani ag‘darilishi oqibatida 4 kishi halok bo‘ldi

AQShning Sietl shahrida qurilish krani ag‘darilishi oqibatida 4 kishi halok bo‘ldi. Bu haqda shahar ma'muriyati saytida ma'lum qilingan.

O‘t o‘chirish xizmati kranning mahalliy vaqt bilan 27 aprel soat 15.28da qulagani haqida xabar olgan. Kran yo‘lning qatnov qismiga ag‘darilgan. Baxsiz hodisa oqibatida yana 4 kishi jarohat olgan, 6 ta mashinaga talofat yetgan. 

Ma'lumotlarga ko‘ra, kran kabinasida bo‘lgan 2 kishi va turli avtomobillarda bo‘lgan erkak va ayol voqea qurboniga aylangan.    

Vashington shtati mehnat va sanoat departamenti voqea sabablarini aniqlash bo‘yicha tergov boshlagan.