Zelenskiy o‘z siyosatining ustuvor vazifalarini ma'lum qildi 

Ukrainaning saylangan prezidenti Vladimir Zelenskiy Yevropaning qo‘shnichilik siyosati va kengayish masalalari bo‘yicha yevrokomissari Yoxannes Xan bilan uchrashuvda o‘z siyosatining bosh ustuvor vazifalari haqida so‘zlab berdi. Uchrashuv 7 mayda Kiyevda bo‘lib o‘tgan. 

“Bizning ustuvor vazifalar – korrupsiyaga qarshi kurash emas, korrupsiya ustidan g‘alaba qozonishdir. Energetikaning monopollashtirilishiga, OAVning oligarxlar egallashiga barham berish”, deb aytgan Zelenskiy.

Zelenskiy, shuningdek, Ukraina qonunchiligiga noqonuniy boyish haqidagi moddani qaytarishga tayyorligini aytgan.   

Avvalroq bo‘lg‘usi prezident shtabi vakili Svyatoslav Yurash yangi ma'muriyat Pyotr Poroshenkoning siyosatini davom ettirishini aytgan.