Navoiyda o‘laksa go‘shtni sotgan ota-bola qo‘lga olindi
Navoiy viloyatida qassob o‘lgan hayvonlar go‘shtini barra go‘sht ko‘rinishida sotgan. Bu haqda “Navoiy-24” xabar berdi.
18 iyulda Bosh prokuratura huzuridagi departament xodimlari o‘lgan hayvonlar go‘shtini sotgan qassob va uning o‘g‘lini ushlashdi. “Uddaburon” ota-bola “Navoiy Agro Myat” xususiy korxonasi yaqinida o‘laksa go‘shtni 1,2 mln so‘mga sotib olmoqchi bo‘lgan vaqtda qo‘lga olingan.
Umumiy hisobda qassobdan 1,7 tonna go‘sht musodara qilingan. Tekshiruv vaqtida Navoiy viloyati hayvonlar kasalliklari diagnostikasi va oziq-ovqat mahsulotlari xavfsizligi markazi xodimi 1 mln so‘mga qassobga iste'mol uchun yaroqsiz 892 kg go‘shtni sotishga tegishli ruxsatnomani rasmiylashtirib bergani aniqlangan.
Qo‘lga olingan shaxslarga nisbatan O‘zbekiston Jinoyat kodeksining 209-moddasi (Mansab soxtakorligi) bo‘yicha jinoiy ish qo‘zg‘atilgan.
Mavzuga oid
09:52 / 11.09.2024
Ayol kishining suratlarini internetga qo‘yib intim xizmatlar taklif qilgan shaxs ushlandi
15:13 / 09.09.2024
Navoiyda ikki o‘quvchining umriga zomin bo‘lgan haydovchi 5 yilga qamaldi
16:47 / 07.08.2024
Navoiyda aliment to‘lashdan qochib yurgan ota choyxonadan topildi
15:47 / 23.07.2024