Kobulda portlash. Vitse-prezidentlikka nomzod yaralandi, 2 kishi halok bo‘ldi
28 iyul kuni Afg‘oniston poytaxti Kobulda kuchli portlash sodir etildi. Buning natijasida prezident Ashraf G‘anining prezidentlik uchun saylovoldi kampaniyasidagi safdoshi yaralangan va 2 kishining umriga zomin bo‘lgan. Bu haqda Reuters agentligi rasmiylarga tayangan holda xabar qilmoqda.
Tolibon harakati va AQSh diplomatlari o‘rtasida tinchlik muzokaralari qayta tiklanishi kutilayotgan vaqtda sodir etilgan hodisa uchun javobgarlikni hech kim zimmasiga olmagan.
Shu bilan birga, portlash yana 25 fuqaroning jarohatlanishiga ham sabab bo‘lgan, degan IIV rasmiy vakili Nasrat Rahimi.
Ma'lumotlarga ko‘ra, portlashdan zum o‘tmay, qurollangan shaxslar vitse-prezidentlikka nomzod Amrulloh Solihning Afghan Green Trend Party binosini o‘qqa tutgan. Solih binodan qutqarilguncha yaralangan.
Afg‘on harbiylari bir qurollangan kishini o‘ldirgan, xabar e'lon qilingan vaqtda, afg‘on kuchlari 4 qavatli binoda qolgan yana ikki kishi bilan kurashayotgan bo‘lgan.
Mavzuga oid
17:55
Grin karta mavsumi 2 oktyabrdan boshlanadi
15:47
“Yangi dunyo tartiboti odatda urushlardan keyin shakllanadi” - ekspertlar BMT islohoti haqida
12:10
AQShda «Helen» to‘foni oqibatida 60 dan ortiq kishi halok bo‘ldi
22:37 / 28.09.2024